Inicio Blog O Centro de Actividades Mariñeiras (CAM), o noso...

O Centro de Actividades Mariñeiras (CAM), o noso centro de operacións

Martes, 29 de novembro de 2016

Hoxe non toca falar dunha das nosas cabanas, senón do núcleo central das actividades turíticas que ofertamos: o CAM ou Centro de Actividades Mariñeiras. Desde aquí articulamos todo o funcionamento da empresa, a recepción dos nosos clientes, pasando pola preparación de almorzos e comidas preparadas, ata a organización de eventos de diferente índole.

Recepción

No CAM atópase ubicada a oficina de recepción de todas as nosas cabanas. Recíbense os visitantes, aos que se lle dan as explicacións sobre o funcionamento da cabana, infórmaselles sobre toda a gama de produtos e servizos que ofrecemos, ademais de levar a cabo o check-in e o check-out. Tamén aconsellamos sobre a nosa contorna máis próxima e calquera tipo de información que o cliente nos requira.

Cocina

No CAM temos unha cociña totalmente equipada, ao nivel de calquera bo restaurante, desde a que tanto preparamos os nosos almorzos campestres, pratos preparados e comida para calquera tipo de evento que nos soliciten. Tamén cedemos o espazo para a presentación de proxectos ou de produtos, reunións corporativas ou calquera tipo de evento.

Trátase dun amplo espazo, cun aforo estimado de 40 persoas, construído desde a misma filosofía e arquitectura que todas as nosas cabanas e que poñemos a disposición de calquera que queira levar a cabo todo tipo de eventos, podendo utilizar todas as instalacións coas que conta o edificio.