Bono Iacobus
Martes, 5 de xaneiro de 2016
Prezo
- 1 Persoa (habitación individual): 565,00€ (IVE incluído)
- 2 Persoas (habitación dobre): 795,00€ (IVE incluído)
CEA E ALMORZO INCLUÍDOS
Servizos opcionais
- Pícnic para a etapa de cada día.
- Traslado da equipaxe en taxi.
O BONO IACOBUS pode ser contratado durante todo o ano exceptuando o mes de agosto e Semana Santa, de forma individual, en parella ou en grupos.
Para obter toda a información adicional que necesites sobre o BONO IACOBUS podes chamar ao teléfono 902 200 432 ou enviar un correo electrónico a cir.turgalicia@xunta.es
Co BONO IACOBUS só terás que camiñar e sentir, porque o descanso telo asegurado.
* A comercialización realízase a través de axencias de viaxes legalmente autorizadas.
Etapa 1
Santiago de Compostela / Ponte Maceira – Etapa 1 (17.3 km)
O camiñante parte da Praza do Obradoiro ao pé da extraordinaria basílica compostelana. A ruta transcorre pola Carballeira de San Lourenzo e contigua ao antigo mosteiro de San Lourenzo de Trasouto, segue por Augapesada coa súa ponte medieval, Alto do Mar de Ovellas, Ponte Maceira e a súa gran ponte do século XIII e os seus muíños.
Casa Gasamáns
Ames / Etapa 1
A casa atópase nun autentico paraxe da Galicia interior, rodeado de bosque autóctono por un lado e bordeado polo río Tambre por outro.Trátase dunha una casa que conta con máis de cen anos de antigüidade, e que foi restaurada intentando conservar ao máximo as súas características centenarias.
Etapa 2
Ponte Maceira / Marco do Cornado – Etapa 2 (20 km)
Deixamos atrás Ponte Maceira para seguir a nosa ruta por Negreira (Pazo de Cotón e Igrexa de San Mauro) para chegar ata A Pena. Entráse despois en Piaxe, seguindo o camiño por Cornovo, para pasar máis adiante o “rego de Foxán” e atravesar Vilaserío ata alcanzar a fin do traxecto en Marco do Cornado.
Casa Perfeuto María - Outes / Etapa 2
Trátase dunha construción de 1868 reformada en 2002. A tranquilidade está acompañada de suculentas ceas elaboradas artesanalmente, charlas nos numerosos recunchos da casa ou paseos polo campo.
Etapa 3
Marco do Cornado / Marco do Couto – Etapa 3 (25.3 Km)
Iníciase o traxecto en Marco do Cornado, continúa por Santa Mariña das Maroñas, coa súa igrexa parroquial románica e os seus cabazos, Bon Xesús, Vilar de Castro; onde ascende o monte Aro, en cuxa cima hai un castro e unhas magníficas vistas. Chegados a Olveiroa, poderanse observar nas paredes de varias casas unhas pequenas peanas que serven de entrada ás colmeas que hai no interior das vivendas. A etapa continúa por Hospital do Logoso que outrora contou cun albergue de peregrinos hoxe desaparecido. Pouco despois atópase unha bifurcación onde hai que tomar o desvío a Fisterra, para finalizar en Marco do Couto.
Casa de Santa Uxía - Dumbría / Etapa 3
Esta antiga casa de labranza construída a principios do século XX e recentemente restaurada, goza dunha privilexiada situación na beira do encoro de Santa Uxía. Dende o próximo mirador do Ézaro poderá divisar un espectacular paisaxe da costa galega.
Etapa 4
Marco do Couto / Cabo Fisterra – Etapa 4 (25.9 Km)
Abandonando Marco do Couto atopamos os santuarios da Nosa Señora das Neves e San Pedro Mártir, cada un coa súa fonte santa, as aldeas de Cee, Corcubión (Conxunto histórico – artístico) e Sardiñeiro para acabar en Fisterra.
Prado da Viña - Fisterra / Etapa 4
Este establecemento está sito nunha atalaia mirando á ría de Fisterra. As súas postas de sol, atardeceres marabillosos e o seu encanto, farán da súa estadía unha experiencia inesquecible.
Etapa 5
Fisterra / Lires – Etapa 5 (15.3 km)
A etapa iníciase pasando pola igrexa de Santa María das Areas e o seu cruceiro gótico, para atravesar a continuación a vila de Fisterra, Val de Duio, Suarriba, Castrexe, Padrís, Canosa e finalizar en Lires.
Cabañas de Lires - Cee / Etapa 5
O seu entorno natural é admirado por quen se achega a visitala. Un lugar que namora polas súas xentes e paisaxes, pola súa gastronomía e cultura. Aloxamento alternativo: Casa Jesús.
Etapa 6
Lires / Muxía – Etapa 6 (15.3 km)
Partindo de Lires, pásase por Vaosilveiro, Frixe, Guisamonde, Morquintián, Monte Facho, Praia de Lourido, a vila de Muxía e finalízase no santuario da Nosa Señora da Barca e as súas pedras, a de Abalar e a dos Cadrís.
Casa de Trillo - Muxía / Etapa 6
Sita en Santa Mariña, en pleno mundo rural, conserva o sabor da tradición. O lugar participa dunha paisaxe de gran riqueza.
* Pola mañá, tras un completo almorzo, achegarase ao camiñante de novo en coche ao inicio da siguinte etapa.
